Kaummudapergerakan_ Kacarèta’a
Rato Brawijaya, Soltan Majapaèt, makon aghâbây labâng gâliḍighân bessè.
Sabannya’na panḍhi satana Jâbâ bân Madurâ paḍâ èdhikanè kabbhi ka Majapaèt. Ḍâri
sabâb jârèya Empo Kelleng talèbât sossana, marghâ bâkal tepèsa bi’ ana’ binèna,
pèkkèrra bâriyâ: “Labâng bessè sè èkaghâbâyâ jârèya ta’ kèra marè saton ḍutaon.
Bân polè lamon ta’ dhaddi, ta’ burung sèngko’ sabâreng èpatè’è.”
Empo Kelleng ngoca’ ka Nyaè Empo bâriyâ: “Bulâ matoro’a
Jakatole, sopajâ dhika mèyara’a bi’ benḍer, sarta dhika jâ’ paroco, ma’ ta’
èkabângalè na’-kana’, sabâb bulâ sanonto edhikanè ka Majapaèt, Soltan makon
aghâbây labâng gâliḍighân bessè. Dhinèng lalakon nèko ta’ kèra marè sataon
otabâ dutaon. Sarta polè saompama ta’ dhaddi, ta’ burung bulâ sabâreng èokom
patè.”
Nyè Empo: “Èngghi, mandhâr ollè dhuwana dhika, tolosan
ana’na (Tole) toro’a oca’. Sarta dhika mandhâr
dhuliyâ molè, ta’ kongsèya on-taonan e naghârâ Majapaèt.”
Ngala’ panḍâ’na carèta Empo Kelleng sabârengnga la paḍâ
mangkat ka Majapaèt. È bâkto pamangkaddhâ, Jakatole ngoca’ noro’a, anangèng ta’
èbâghi. Sabâb abâ’na ghi’ takana’ dhâllu. Dhâddi Jakatole ta’ noro’, neng è
bengkona bi’ embu’na.
Satapongkorra Empo Kelleng ta’ pegghâ’ sakalè orèng sè
aro-soro aghâbây pakakas tanè ka Jakatole. Sabâb lamon ngangghuy pakakas
ghâbâyanna Jakatole, tatamennanna ta’ tao buḍḍhu, dhâddhi bâi, kongsè hasèlla ḍuwâ
kalè ḍâri biasana.
Saompama kabenḍerrân sobung, taḍâ’ orèng aro-soro, Jakatole
aghâbây kerrès, tombâk, parlo èjhuwâl, sè satèya ènyamaè: Jennengngan Kanḍangan;
bessèna lampaddha èpècè’ bi’ tanang. Kerrè jârèya talèbâat mandhi, sarta mon
èangghuy orèng tanè nowan.
Prandhinèng Jakatole mon
apanḍhi coma kadhibi’ân bâi taḍâ’ bârengnga, sarta ta’ ngangghuy pakakas sè
kapra, sabâb pakakassa bârâmma ella sè ètotor ghellâ’. (5)
Komentar
Posting Komentar